زيت مور بروليت للمساج (رول)

زيت مور للمساج في عبوة رول: زيت مساج موضعي للمفاصل والعضلات. أول ما تدلّك بيدّيك برودة خفيفة بتهدّي إحساس الوجع، وبعدها دفا لطيف يريّح المفصل والعضلة ويقلل التيبّس.

تستخدمه فين؟

• الركبة: حوالين المفصل ومكان الوجع.
• الكتف: العضلات اللي حوالين المفصل.
• الرقبة: من ورا ومن الجنب، بعيد عن الوش.
• أسفل الضهر: مكان الشد بعد الوقفة الطويلة أو الشيل.
• الكوع: العضلات اللي حوالين المفصل.
• الرسغ واليد: بعد الشغل الكتير بإيدك.
• السمانة والساق: بعد المشي الكتير أو طلوع السلم.

امتى تستخدمه؟

من مرة لـ3 مرات في اليوم: الصبح لما تصحى ومفصلك ناشف، وبعد المجهود، وقبل النوم.

إزاي؟

1. مرّر الرول على مكان الوجع 3 أو 4 مرات.
2. دلّك بحركة دايرية خفيفة لحد ما الزيت يتشرب.
3. اغسل إيدك بعدها.

فيه إيه؟

زيوت طبيعية أساسية: لوز حلو بيرطب الجلد، ونعناع ومنثول وكافور وأوكالبتوس للبرودة، وزنجبيل للدفا، ولبان دكر وكركم وزعتر وقرنفل، مع ميثيل ساليسيلات (مسكّن موضعي) وفيتامين هـ.

مسجّل في هيئة الدواء المصرية برقم COSMTOL25122739.

قبل ما تستخدمه

• للاستخدام الخارجي بس، وبعيد عن العين والوش.
• متحطوش على جرح أو جلد متشقق، ومتحطش كمادة سخنة على المكان بعده.
• لو عندك حساسية من الأسبرين، أو بتاخد أدوية سيولة، أو حامل أو مرضعة، اسأل دكتورك الأول. ومش للأطفال.
• احفظه بعيد عن الأطفال، وفي حرارة أقل من 30 درجة.
• بيساعد يخفف الوجع بشكل مؤقت، ومش بديل عن الدكتور لو الوجع شديد أو مستمر.

والزيت جزء من باكدج مور بروليت المتكاملة مع الجل ومشد الركبة الصوف.